Conferencia de Antonio Izquierdo, Director da EGAP (Xunta de Galicia)

A formación dos funcionarios en Galicia

O mércores día 11 de Abril, ás 17:00 horas, o Director da Escola Galega de Administración Pública (Xunta de Galicia), D. Antonio Izquierdo Escribano impartirá unha conferencia sobre a formación dos funcionarios en Galicia.

O acto, organizado polas Áreas de Socioloxía e Ciencia Política e da Administración da Universidade de Vigo, está aberto a toda a comunidade universitaria e ao público en xeral interesado na xestión que fai a Xunta da formación dos funcionarios galegos.

A actividade terá lugar no Salón de Graos da Facultade de Ciencias Sociais e da Comunicación da Universidade de Vigo, no Campus de Pontevedra. A entrada será libre ata completar o aforo da sala.