Bata por fóra (muller por dentro)

Con motivo do día da celebración do 8 de marzo día Internacional da Muller, a Área de Igualdade de Extensión Cultural e Estudiantes, presenta nos tres Campus o documental de Claudia Brenlla: Bata por fóra (muller por dentro.

O documental será presentado o día 9 de Marzo ás 11:00 no primeiro andar da Facultade de Ciencias Sociais e da Comunicación; coa presenza da directora e guionista Claudia Brenlla.

Trala presentación realizarase unha charla coloquio -prevista para as 12:00 do 9 de marzo- baixo o título "Muller e comunicación", na que intervirán Anna Amorós, Cristina Caruncho, Xesús Laxe, Amada Traba e Montserrat Vázquez.

Haberá unha Exposición de Batas que acompañará ó pase continuo do documental do 8 ó 11 de marzo en horario de 08:30 a 20:30 nas Bibliotecas Universitarias dos Campus de Ourense, Pontevedra e Vigo.

A presentación do documental terá lugar ás 13:15 do 9 de marzo en Vigo e en Ourense ás 12:00 horas do 10 de marzo.


----------------

Bata por fóra (muller por dentro) Palmarés: Premio ao mellor documental na MIVICO (Mostra Internacional de Videocreación do Condado, Ponteareas 2008). Premio ao mellor documental no Festival On & Off (Ribadeo, 2008). Premio ao mellor documental no V certame de documental e vídeo Secuencia Cero (Vigo, 2008). Proxectado en diversos festivais. Título seleccionado para o catálogo DocsGalicia 09 do Consorcio Audiovisual de Galicia. Título seleccionado para o programa Curtas 09 do Consorcio Audiovisual de Galicia.

Convocatoria ERASMUS

A ORI, en colaboración cos responsables de Relacións Internacionais da Universidade de Vigo, organizará sesións de información sobre a convocatoria ERASMUS 2010-2011.

A charla para o estudantado do Campus de Pontevedra, terá lugar no Salón de Actos da Escola de Fisioterapia, ás 09:00 horas o próximo xoves 18 de febreiro.

Lembramos que o prazo de presentación de solicitudes finaliza o día 26 deste mes.

I Congreso Publiradio

A Facultade de Ciencias da Comunicación da Universidade Autónoma de Barcelona (UAB)acolle os días 13 e 14 de de abril o I Congreso Publiradio, organizado polo grupo de investigación en publicidade e comunicación radiofónica Publiradio.

O encontro pretende ser motivo para a reflexión sobre a capacidade da palabra como instrumento esencial da comunicación humana e o seu peso na actualidade en espectros de comunicación dixital.

Pódese consultar a información sobre o evento na páxina da UAB.

Alumnos de Ciencias Sociais e Comunicación filman un documental

Alumnos da Facultade de Ciencias Sociais e da Comunicación filmarán un documental sobre a biodiversidade do río Gafos. Os estudantes realizarán un audiovisual dunha duración aproximada de vinte minutos sobre a fauna e a flora deste río, principal foco de atención do colectivo ecoloxista Vaipolorío, para difundilo en colexios, concellos e entidades sociais e culturais.

Fonte: Duvi

Televisión local, a nostalxia da identidade no contexto 'portogués

Duvi

Unha serie de factores, como os fenómenos de descentralización e as novas tecnoloxías, que permitiron pasar dun sistema de oferta de masa a un sistema de demanda, impulsou un cambio de paradigma na televisión, sobre todo local, cara a unha concepción máis participativa e ligada á contorna. Esta é unha das principais conclusións da tese Televisión local, a nostalxia da identidade no contexto 'portogués', presentada por Cristina Teresa Salvador Rebelo na Facultade de Ciencias Sociais e da Comunicación e cualificada con sobresaliente cum laude.
O estudo analiza a relación da televisión de proximidade, en concreto na rexión do Porto, co territorio xeográfico e simbólico, coa creación de identidade e como potenciadora de visibilidade e desenvolvemento local, un tema que a autora considera “pouco explorado no panorama mediático de Portugal”. Comezou a interesarse por el a raíz da aparición da primeira televisión local no Porto, a NTV, e finalmente procurou trazar unha explicación crítica da televisión de proximidade portuguesa a través dun estudo de caso doutro medio máis recente, Porto Canal. Segundo a investigadora, o movemento actual das televisións rexionais “comezou a manifestarse sobre todo no norte do país e reflicte esa mudanza de paradigma, que aparentemente poñería dun lado a instrumentalización e do outro a autonomía”.

Buscamos fotos e vídeos

Estamos a remozar a páxina web da Facultade de Ciencias Sociais e da Comunicación, e consideramos necesario ilustrar audiovisualmente os espacios coma as actividades realizadas no centro.
Posto que o que queremos ofrecer é unha visión da comunidade parece o máis lóxico mostrala a través da mirada de aqueles forman parte e partipan nela polo que comunicamos o interese en recibir todo tipo de formatos susceptibles de ilustrar o novo espacio web.
Aquelas persoas interesadas en aportar as súas visións poden enviar un correo electrónico a axendacsc(arroba)gmail.com.
Co obxectivo de facilitar a xestión dos correos e adxudicar as autorías solicítase o seguinte formato para a mensaxe:

Asunto:
a. fotoCSC. Para a achega de fotos.
b. videoCSC. Para a achega de vídeos.
c. audioCSC. Para a achega de formatos de audio

Autoría:
Nome de autor@s.
Titulación que cursan os autores.
Ano de promoción.
Titulo ou nome do espacio ou actividade que ilustra o material achegado.
Enlace ó material en cuestión.

A fin de que sexan máis facilmente localizables, solicítase tamén que os materiais sexan etiquetados nos repositorios en que estén aloxados coas etiquetas correspodentes fotoCSC, videoCSC, audioCSC, presentacionCSC, etc e baixo licencia creative commons ou similar.

Gracias de antemán, polas vosas aportacións.

Entrevista a Manuel Castells en Citilab

Radiografía do Medo

Baixo o título "Radiografía do Medo" a Biblioteca Central do Campus de Pontevedra, acolle nestes días unha mostra de mail art na que 137 artistas de todo o mundo amosan a súa visión persoal desa emoción universal chamada medo...

A exposición organizada en colaboración coa Biblioteca da Facultade de Ciencias da Educación da Universidade da Coruña permanecerá nas instalacións da Biblioteca Central do Campus de Pontevedra situada no primeiro andar da Facultade de Ciencias Sociais e da Comunicación do 19 de xaneiro ó 5 de febreiro.

Para aqueles que están preparando exames unha forma de activar estados de alerta...

* Galería Virtual

Actualización:  Artigo no Duvi

Eleccións a Decano

De conformidade ca Normativa para a Elección de Decanos e Directores de Centros, convócanse eleccións a Decano por parte da Xunta de Facultade, de acordo co seguinte calendario electoral:

1. Constitución da Xunta Electoral – 18 de xaneiro (sorteo o 14 de xaneiro)

2. Exposición de censos provisionais: 19 de xaneiro

3. Prazo de reclamación aos censos provisionais: do 20 ao 26 de xaneiro.

4. Exposición de censos definitivos: 29 de xaneiro

5. Prazo de presentación de candidaturas: do 1 ao 4 de febreiro

6. Proclamación provisional de candidatos/as: 5 de febreiro

7. Prazo de presentación de reclamacións á proclamación provisional de
candidatos/as: 8 e 9 de febreiro

8. Data de proclamación definitiva de candidatos: 10 de febreiro

9. Data de votación: 12 febreiro. 12 horas Sala de Xuntas

Calendario de Exames

Está accesible na páxina web da Facultade de Ciencias Sociais e da Comunicación o calendario de exames. As datas para a realización dos exames están comprendidas entre o 22 de xaneiro e o 3 de febreiro.

Recoméndase revisar as datas para verificar posibles cambios.

Actualizaráse información respecto a adxudicación de espacios para a realización dos exames, nas pantallas da Facultade de Ciencias Sociais e da Comunicación, neste blog e nas contas do twitter e facebook.

Novos horarios da Biblioteca

A Biblioteca Central do Campus de Pontevedra, situada no edificio da Facultade de Ciencias Sociais e da Comunicación amplia os seus horarios de apertura durante as datas de exames.
Prolongaráse o tempo de apertura durante a semana e abrirá ademáis sábados e domingos ata as 10 da noite. Os novos horarios de apertura quedan como se especifica a continuación.

• De luns a venres dende o 12 de xaneiro ó 12 de febreiro, permanecerá aberta ata as 3:00 da madrugada.
• As fins de semana dende o 16 de xaneiro ó 7 de febreiro, abrirá dende as 8:00 da mañá ata as 10:00 da noite.