Axudas á investigación en lingua galega

A Universidade de Vigo convoca axudas para a redacción e defensa en lingua galega das teses de doutoramento, das teses de licenciatura, dos traballos tutelados de investigación de terceiro ciclo, e dos traballos e proxectos de fin de carreira.

Esta convocatoria realízase ao abeiro do convenio de colaboración vixente entre a Consellaría de presidencia da Xunta de Galicia e a Universidade de Vigo para a promoción da lingua galega.

Destinatarios
Poderán acceder a estas axudas os estudantes que realicen durante o ano 2007 a redacción e defensa en galego da:
:: tese de doutoramento
:: tese de licenciatura
:: traballo de investigación tutelado de terceiro ciclo
:: traballo ou proxecto de fin de carreira en lingua galega

O traballo estará redactado en lingua galega de acordo coa normativa ortográfica e morfolóxica contida nas Normas Ortográficas e Morfolóxicas do Idioma Galego (18ª edición revisada, decembro de 2003), que recolle os cambios aprobados pola Real Academia Galega en xullo de 2003.

Máis información e impreso de solicitude na páxina web da Área de Normalización Lingüística.